2/26/2013

2ª CITA DAS "X XORNADAS DE LIMPEZA E RETIRADA DE REFUGALLOS NOS RIOS DE ROIS"


LIMPEZA DO RÍO VALEIRÓN.

Este sábado levouse a cabo a 2ª cita das "X XORNADAS DE LIMPEZA E RETIRADA DE REFUGALLOS NOS RIOS DE ROIS" que organiza o Club de Pesca Deportiva LONDRA, no couto de pesca de Rois que xestiona este Club en colaboración coa Consellería de Medio Ambiente, Territorio e Infraestructuras da Xunta de Galicia.
Como de costume, logo da previa concentración de participantes, nesta ocasión na ponte de Basa, dispuxeronse estos a percorrer e acondicionar as marxes e contorno do río Valeirón, recollendo toda clase de refugallos que debido as enchentes quedaron depositados nas suas marxes. Retiraronse uns douscentos quilos de residuos entre os vintecinco participantes,  nos que se encontraban socios do clube e compoñentes do veciño Clube W. Latorre de Padrón, así como representantes de empresas da zona, (Destilerias Compostela e Bersan Automoción). O finalizar, os participantes   disfrutaron de unha merecida merenda na Taberna O`Pemento de Seira, xentileza do Club LONDRA.
Con estas xornadas, o couto de Rois queda libre de refugallos, pendente das próximas actuacións que en vindeiros dias se levaran a cabo, como son o acondicionamento das sendas e postos de pesca xunto coa reposición de sinais e carteis indicativos do couto, para que o vindeiro día 17 de marzo se encontre en perfectas condicións para acoller os primeiros pescadores que disfrutaran sin dúbida da sua afición favorita rodeados dunha fermosa e coidada paisaxe.
O Club LONDRA, agradece a participación a todos aqueles que quixeron poñer o seu graniño de area participando nestas xornadas.  

No hay comentarios:

 
Creative Commons License
This blog is licensed under a Creative Commons Attribution-NonCommercial-NoDerivs 3.0 Unported License