Benqueridas/os
compañeiras/os,
A
finais desta semana procederemos
a enviar os cartaces coas pegatinas onde se especifica o nome
do/a
coordinador/a e o voso teléfono. Agradecemos de antemán o
esforzo de
coordinación que asumides e agardamos que sexa esta unha
actividade agradable. Se houbera algún cambio na persoa que
coordina, facédemo saber canto antes. Tamén precisamos ter un
enderezo postal para facer os envíos.
A
semana que ven
enviaremos as camisetas deste ano, xunto cos protocolos. Este
ano decidimos
facer un reparto máis ou menos equitativo das camisetas, xa que
é complicado
saber con antelación cantas persoas participarán. Cos protocolos
faremos igual
e mandaremos uns poucos para que a xente que estea interesada o
poida levar.
Recomendamos que cando se inicie a actividade se comenten as
indicacións que
aparecen no protocolo. Cando vos chamen para anotarse deberedes
informar do
evento, sobre todo da hora e punto de encontro. Recordamos que
cada coordinador/a
ten liberdade para escoller o treito de río, e o horario da
actividade (como
aproximación recomendamos que se quede cos voluntarios/as ás
10.30h e se prolongue
a actividade até as 13.30h-14.00h).
Probablemente
na
semana do 22 de setembro faremos unha rolda de prensa
presentando aos medios de
comunicación o inicio de campaña de outono coa actividade da
Limpeza de Ríos. Esa
semana tamén estará accesible a páxina web da Limpeza de Ríos
onde poderedes
consultar unha descrición xeral do evento, os participantes,
colaboradores e
coordinadores por zona.
Os/as
coordinadores/as
deberedes contactar co concello, co fin de solicitar que
coloquen contedores para a recollida do lixo nalgún lugar
concreto. Tamén
deberedes confirmar a súa posterior retirada por parte da equipa
de limpeza do
concello.
Para o día da limpeza lembrar que os
materias precisos
ou recomendables son:
-Luvas.
-Pinchos (paus cun pincho na punta para
coller lixo).
-Botas de auga (polo menos algunha persoa
con elas).
-Bolsas
grandes ou
sacos para recoller o lixo.
Algún
deste
material pódeselle pedir ao concello.
Para o desenvolvemento da xornada é
preciso contar con
algunhas medidas de seguridade elementais para non mancarse ao
retirar o lixo.
Algunhas poden ser:
-Non arriscar a integridade física por
coller lixo en
zonas perigosas ou pouco accesibles.
-Ao levantar pesos facelo sempre dobrando
os xeonllos.
Pedir axuda a outros compañeiros/as para recoller cousas
pesadas.
-Se hai cristais, vidro, ferralla, ou
outro material
cortante retiralo con precaución se é posible.
-Aplicar o sentido común. Sempre se pode
chamar ao
concello para que retire o lixo máis problemático.
-Se no grupo van nenos/as ter boa conta
deles e non
deixalos sós.
-Non traballar de costas ao río sobre
todo se estamos
arrincando algo que está enterrado xa que podemos caer ao cauce.
-Ter coidado coas zonas de corrente forte
e profundas.
Unha
vez realizada
a limpeza de ríos pedímosvos que nos enviedes o mesmo domingo
unha mensaxe (619
672 038), WhatsApp (627 628 194) ou un correo electrónico
(pacobanhobre@adega.info)
co nome do río no
que se actuou, o número
de voluntarios/as participantes
e a estimación dos Kg
de lixo
retirado. Ademais precisamos ter fotografías da xornada para a elaboración dunha memoria da actividade.
Adxunto
enviamos o
cartaz da limpeza deste ano en PDF por se queredes divulgar a
actividade nas
vosas redes. Tamén se pode descarregar da web da limpeza: http://limpeza.proxectorios.org/
Se
tedes calquera
dúbida podedes contactar con nos.
Un
cordial saúdo a
todos e todas.
Paco Bañobre (619 672 038)
Ramsés Pérez (616 238 050)
-- Paco Bañobre Coordinador de grupos do Proxecto Ríos 981 57 00 99 / 619 672 038 Travesa de Basquiños 9 baixo 15704 Santiago de Compostela www.proxectorios.org www.adega.gal
.JPG)
