Surf Casting Masters: VIII XORNADAS LIMPEZA RÍO FURELOS

8/19/2012

VIII XORNADAS LIMPEZA RÍO FURELOS

As VIII XORNADAS DE LIMPEZA DO RÍO FURELOS correspondentes a este ano 2012, levaránse a cabo o derradeiro sábado de agosto día 25, e os dous primeiros de setembro, días 1 e 8 como se ben facendo nos últimos anos por parte desta Asociación. A limpeza consistirá na retirada de todo tipo de lixo atopado na canle do río e nas súas marxes (plásticos, latas, rodas, arámes…), levarase a cabo de maneira manual e abranguerá o acotado do río Furelos dende a Ponte de Fraga (Souto-Toques) ate a Ponte Romana (Furelos-Melide), cun percorrido de 11.5 kilómetros.

As VIII Xornadas de Limpeza terán comenzo dende as 9:00 ate as 13:00 H en xornada de maña e dende as 16:00 ate as 20:00 polo serán, despois de facer un obrigado descanso para repoñer forzas cun xantar para os participantes na praia fluvial de Furelos, a cargo de a organización.

Xa temos a autorización da Consellería de Medio Ambiente para levar a cabo as VIII XORNADAS DE LIMPEZA e contamos coa presenza da GARDERÍA para levantar acta e verificar que os traballos realizados cumpren sempre coa normativa e respectando o medio ambente.

Nesta ocasión tamén contamos coa colaboración de 40 casas comerciais de Melide, Concello de Melide e a Deputación da Coruña.

Nota: nos vindeiros días espallaranse carteis anunciando esta actividade na defensa do Medio Ambiente.